මගේ රැජණ
මුළුණින් එකළු කළ මාගේ දිවි පහන
දිරියෙන් එකතු කළ නව නව සුබ සිහින
වදනින් දුන්න රිදෙනා විට සුව සහන
රැජනිය නුඹයි මගෙ ජීවන රජ දහන
ලැබුනත් ආදරය තව අයගෙන් බෝම
ඔබ ළඟ විතර නැත උණුුසුම සැනසීම
කිසිවක් ලබන්නට නොව ඇත්තට ප්රේම
කරනා කෙනෙකු නොදිටිමි මම ලොව තාම
දෙනුමැන සමා බෙදුවට ආදරය මගේ
හදවත නිසල නැත සසැළෙන ඔබගෙ වගේ
කල්ගිය පසුයි දැනුණේ මේ දෙකෙහි අගේ
දුර මේ අතර අහසයි රළු පොළව වගේ
කෙරුවත් වෙනස් කම් විටකදිි පැත්ත ගෙන
නොමැතිව නොවේ වැටහීමක් ඇත්ත ගැන
මම අසරණයි මේ කරුණෙදි සත්තකින
හරිදැයි වැරදිදැයි කියලා කියනු මැන
රුක තව රැඳෙන බව වැටහෙයි මුදුන් මුලෙන්
දියකඳ නොසිඳේය ගලනා නුමුණුකුලෙන්
උපතෙදි කපා වෙන් කෙරුවට පෙකනි වැලෙන්
"අම්මේ" එකයි මිදුණත් අපි සසර තලෙන්
------------------------------------------ශාරා
ශාන්ත රාජපක්ෂ කිවිඳුන්ගේ නිර්මාණයකි.
No comments:
Post a Comment