********අලුත් නෑයා**********
සිර කර හැඟුම්, ගනු බැරි කඳුළට-------------වාවා
දුර ගිය සමනළිය හිත පෙමකට---------------පාවා
පෙර හුරු මග දිගේ නෙතු අඳුරට--------------ගාවා
සුරතලෙකුත් සමග අද ගෙදරට----------------ආවා
යව්වන කුසුම පරවෙනු දුටු කැකුළ--------------හැදී
දිව්රුම් දිදී යළි පෙර හිමි කිරුළ------------------යදී
මව් සෙනෙහසට ආවත් තන බුරුළ--------------ඇදී
සිව් මස් සිඟිති පුතුටත් ඒ තුරුළ------------------මදී
දොස් අමතකව යන ලෙස අප තැවුල්----------වනේ
ලස්සන තැනිනි උන් හිත් වෙත ඇතුල්---------වුනේ
ඉස්සර බුදුන් දුර එනු දැක විසල්--------------ලෙනේ
පස්වග මහණුවත් හිටියද--------------නිසොල්මනේ
සිසි වත ළපටි ගත සුසුවඳ, සොව------------තැව්වා
විසි කර දෙඅත් මං හරි දඟ බව----------------කිව්වා
නිසි අවසරය නොලැබම මේ මුව-----------පොව්වා
විසි වසරකට පසු ගෙයි, සුරලොව-----------මැව්වා
කිති වුවමනා නැති මුත් කිරි---------------හිනාවට
දැති නම් නැතිය මේ සුහුඹුල්--------------පනාවට
ගැති වී සොයුරු මව් පිය හැම දෙනා------------වට
ඇතිරිලි එළයි මට පා, පුතු ගෙනා------------ගෙට
ගෙට ගෙන මගෙ ඇඳෙයි ලූ විට යොමා-------වත
කට උල් කරනු දුටු පසු ඇඳ තෙමා-----------ඇත
කටයුතු නොවැටහෙන මුත් මේ ළමා---------හිත
මට සළකා එහැර කිසිවක් දමා---------------නැත
සමීර සෝමරත්න කිවිඳුන්ගේ නිර්මාණයකි
(මගේ නොවන මගේ ආදරේ)
No comments:
Post a Comment