ජනපද කලණිගේත්, නන්දගේත් විවාහයට බාධා කළ හේතු පිළිබඳව බුදු හිමිහියන් වෙත ගොස් ජනපද කලණිය විමසන ආකාරය. ( පේන තෙක් මානයේ නන්ද තෙරුන් සක්මන් භාවනා කරයි ).
,,, වෙන් කළ වරදට ,,,
ආපු කාරනෙ එන්නටත් පෙර පේන්නැති නේ දිව .................. ඇසින්
දීපු දුක් ගින්දරට හේතුව ආවේ මම අහගනු .............................රිසින්
කාපු බත් පත තනිව අරගෙන යන්න බැරි නුඹෙ බොරු ........... බසින්
පාපු සෙනෙහස නන්දගේ සිත වෙනස් කළෙ ඇයි ඔය ........... ලෙසින්
පැතුම් පැතුවා බොහෝ කල් සිට පුදන්නට මම ......................පතිවත
ගතින් ලංවී කිසිම දවසක ගිලිහුනේ නෑ ................................ඇඳිවත
ලඟින් ඉන්නම් සසරෙ හැමදා කියපු මාගේ .........................පෙම්වත
දුරින් ඉන්නේ නුඹ නිසාමයි උර දරාගෙන . ......................... කහවත
බැන්ඳ ප්‍රේමයෙ නාමයෙන් මා හනික ඇවිදින් කැන්ද ..............යාමට
එයිද කියලා ඇඟිලි ගැන ගැන හිටියෙ ඉවසා ඔහුගෙ ................කීමට
නන්ද අර බිම බලන් යද්දී වාව ගෙන හද ඉන්න බෑ ................... මට
ඇයිද උපදෙස් දුන්නෙ ඉන්නට මාව නන්නාඳුනන .................ගානට
නුඹේ උපතේ අපලයයි මේ ගෙවන්නේ එය පසක් .............. කෙරුවා
සුදෝවුන්ගේ බිරිඳ නැතිකොට මල්ලිටත් එය අහිමි ..............කෙරුවා
සුවේ සොයමින් යන්න කලියෙන් ඇගේ දෙතනට කිරිත් ......... එරුවා
මුවේ ඇති කිරි සුවඳ විඳ විඳ බිම්බ දේවිය කඳුළු ...................පෙරුවා
රුවෙන් පිරි සුරඟනක් දෙන්නට කපු කමේ නුඹ යනෙන .......... අතර
දැවෙන්නට වුණු මාව පෙන්වා අපේ ප්‍රේමය කළා ....................නතර
දිවෙන් දිව ගා හිටපු සනුහරෙ ගාපු දැලි සිහි කරයි ...................නිතර
භවෙන් භවයේ විඳින්නට වෙනවමයි යන්නට කලින් ................එතර
,,, ශෂික මධුරංග කරුණාරත්න ,,,
No comments:
Post a Comment