****.... හයියන්-ආ-පිලිපීනය ....****
සාගරය වට - වෙමින් දුපත් - තුන් දහක් ඇති - සොඳුරු එම...........රට
ඈත පෙරදිග - සයුරෙ පහසින් - වැඩුණු දුපුතු - සිටී ලොව ............වට
ලෝකයට දුක් - දෙමින් පසුගිය - දිනෙක හැමු ඒ ............මාරුතයකට
පේන දුරදිග - සුනු විසුනු වී - ලොවට අයදී - සහන ...............ලැබුමට
පිහිටි පොළොවේ - තැනට අනුවම - චන්ඩ මාරුත - හිඟ ..නොවන්නේ
මෙයට පිළියම - හුරුව අනුවම - කවදටත් ඒ - රටුන් .............දන්නේ
එලෙස වුවද - දෙවියො උරණව - මෙවර “හයියන්” .......හමා යන්නේ
දිවිය ඇතිතුල - නොදුටු බිහිසුණු - දරුණු ලෙස - බව තතු... කියන්නේ
බැලූ බැලු අත - නිවෙස් ගහකොළ - දේපලද සුනු - විසුනු.......... වීලා
හැමූ මාරුතෙ - හිතක් නැති ලෙස - දහස් ගණනක් - මරා ..........දාලා
ලොවේ කොපමණ - රටුන් ආවත් - කාරුණික අත් - දිගු ........කරාලා
ඇතේ තවමත් - බොහෝ ගම් නිම් - කිසි කෙනෙකු - නැත ලඟා.. වීලා
දැනට හතරක් - දවස් ගතවී - ඇතත් නැති කිසි - දෙයක් ..........ලැබීලා
නොදනි සෙවනක් - බඩට අහරක් - නැතිව කොපමණ - ඇතිද.. කියලා
බිඳුණු සුන් බුන් - එකතුවී ඇත - ගැලු වතුර කඳ - අනුව ...........සැදිලා
මැරුණු අය ඇත - විසිර දස අත - වල දමයි සැම - එකතු..........කරලා
ලොකුම ගැටලුව - මැරුණු අය නොව - දිවිය ගැලවුණු - අයව සොයාලා
කෙලෙස දෙන්නෙද - හිසට වහලක් - අහර බිඳුවක් - සහන........ සදලා
කාල ගුණයට - අනුව කියනෙලු - දෙවෙනි සුළඟක් - ළඟය ......කියලා
සොබා දම ඇයි - මෙලෙස මිනිසට - දුකම දෙන්නේ - තලා .....පෙලලා
සුනිල් පෙරේරා කිවිඳුන් 13/11/2013 දින කරන ලද නිර්මාණයකි.
No comments:
Post a Comment