ගඳ සුවඳ "(එකොළොස් වෙළුම )
පවුළක් ගොඩනගා දරුවෙක් හදාගෙන
දහසක් පැතුම් පොදි හිතමත දරාගෙන
සේකර සියළු දේ නැතිවුණ පරාජෙන
වත්තට ආය යළි හිස බිම ඔබාගෙන
අම්මා සමග පැල්පත පමණයි ඉතුරු
දයිවය මිනිසුනට ඇයි මෙතරම් නපුරු
පනමෙන් ආලෙකළ ඇඹණිය විය සතුරු
දියවිය දිවිය දිය හැංගූ සේ හකුරු
මත්පැන් ජීවිතේටම නැති කටේ තබා
එකවිට බාගයක් බොයි දැන් මුවේ ඔබා
කෝ කිය කියා මගෙ පන රත්තරන් බබා
සේකර ඇවිද යයි මහමඟ ගාතෙ ඉබා
අත රැඳි පොඩි දරුවො විටකදි උදුර ගනියි
අතොරක් නැතිව තුරුළට ගෙන මුහුණ සිඹියි
සමහර නොදත් මිනිසුන්ගෙන් ගුටිද ලැබෙයි
දරු සෙනෙහස මිසෙක මිනිහට පිස්සු නෙමෙයි
අර්ජුන නිල්මිණිව හා දරුවද රැගෙන
කැළණියෙ සිටින ගජ මිතුරෙකු මුණගැසින
තොරතුරු අසා සරිලන විසඳුම ලෙසින
ඔහුටම අයිති නිවසක් නැවතුමට දින
වටවූ තාප්පෙකි වත්තේ මල් පීදෙයි
දෙමහල් නිවෙස දහ දෙනෙකුට වුව සෑහෙයි
අර්ජුන නිතර ඇයගේ තුරුළෙම ගෑවෙයි
විඳවූ ජීවිතය දැන් විඳිනව වාගෙයි
සුපිරි අවන්හල් සාප්පු සවාරිද
ඉහළ සැලුන් වල රුව හැඩ කිරීමද
නිසා ඇය දුටොත් සිහිවෙයි ඉබේමද
මේ මැරිච්ච අර ඩයනා කුමාරිද
...........................................ශාරා
ශාන්ත රාජපක්ෂ කිවිඳුන්ගේ නිර්මාණයකි.
No comments:
Post a Comment