ගඳ සුවඳ " (දසවන වෙළුම )
පුතුගේ සිනාහඬ මැද සාලෙන් නෑඟෙයි
"නිල්මිණි" කීය "මම මෙහෙ" වදනත් නෑසෙයි
විසිරුණු බඩු පවා තම දෙපයට පෑගෙයි
අදනම් පාළු ගෙය අම්බලමක් වාගෙයි
දිවගෙන ගියා පුතු නිදනා තොටිල්ලට
හොරු ගෙන ගිහින් ඒකත් මේ ඇසිල්ලට
අඬපන් පුතේ මට පොඩ්ඩක් ඇසෙන්නට
මුරකරු දිව ආය මුගෙ කෑගැසිල්ලට
ඇරලා බැලී අල්මාරිය රෙදි දාන
හිස් බව මැවූවා එහි බියකරු හීන
අර්ජුන සමග නිල්මිණි හොරැහින් පාන
නැටුමට තියා තිබුණා තිත අවසාන
අර්ජුන සර් ඊයේ ගේ අස්කෙරුවා
නිල්මිණි නෝනා ඔහු හා අද පිටවූවා
මෙහි සිදුවුණා මුළදිත් එකඑක ඒවා
කැඩෙතැයි පවුල මම කීවේ නෑ ඕවා
මුරකරු කීය සේකර අස්වසා හල
පිළිඹිබු වුනා දුක ඔහුගේ හැඬුම තුළ
මොනවද මුමුණ මුමුණා එය නැවත ගිල
ඔහු නැවතුණේ ගෙදරයි බණ්ඩාරවෙල
"තනිවම පුතේ ඇයි කෝ දුව හා දරුවා"
මාපිය දෙපළ සේකර පිළිගෙන ඇසුවා
"ඇය මෙහි ආවෙ නැතිදැ"යි ඔහු පිලිවිසුවා
සිදුවුණු සියළු දේ ගැන මාමට කිව්වා
බෑණගෙ දෙඬුම මාමණ්ඩිව සසල කළා
ඔහු ගුණගරුක බව ඉහළින් අගය කළා
නිල්මිණි එවලේම පවුලෙන් අයින් කළා
සේකර සනසවා ආපසු පිටත් කළා
................................................ශාරා
මතු සම්බන්ධයි
ශාන්ත රාජපක්ෂ කිවිඳුන්ගේ නිර්මාණයකි.
No comments:
Post a Comment