ගඳ සුවඳ "(දහතුන වෙළුම )
තත්වයෙ බැරෑරුම් ගතියක් තිබුණු නියා
අර්ජුන මිතුරාද අරගෙන ගෙදර ගියා
ඒ වන ව්ට පියා සැමදේ තිබුණි සොයා
අහගෙන ඉඳුම පමණක් විය දෙකන අයා
කැඩුවොත් කූඩුවක් ඒ පව පල දේමැයි
විසඳුම ගෑණි දරුවා ආපසු දීමයි
මඟුලක් උඹට ඇත මෙහි එය සිදුවේමයි
වියයුතු සියළු දේ නිමකර යළි ඒමයි
මිතුරාටද පියා දුනි තද අවවාද
මේකට උඹත් වගකිව යුතුමයි නේද
හරි ගස්සපන් වැරදුන තැන් නැත වාද
මම දෙමි සති දෙකක් මොනවත් ඕනෑද
මිනිහට කතා කරපන් ඒකිගේ කලින්
අරගං සමාවද සිදුවුණු දේට මුළින්
අකමැති වුණොත් කියපං මේ ටිකත් කෙළින්
විස්සක් ලක්ෂ දෙමි වන්දිය සල්ලි වලින්
ආපසු එද්දි මේ ගැන මිතුරන් දෙන්නා
කතිකා කළා කෙලෙසද විසඳුම ගන්නා
නිල්මිණි ගේ අයුරු මම හොඳහැටි දන්නා
සියදිවි නසාගනිතැයි බියකුත් එන්නා
පිළිකුල් නිසයි සේකර මාහා පැන්නේ
ආයෙත් එයා නම් නෑ ආපසු යන්නේ
ඒකී අහිංසකියකි අමුතුම පන්නේ
මොනවා කරන්නද කියලා නෑ දන්නේ
දරදඬු පියාගේ හැටි පුතු හොඳට දනී
දැන්නම් ඔළුව කම්මලකිය ගිනිම ගනී
අවසන ඔහුගෙ මිතුරා විසඳුමක් දුනී
ඒකට මධුවිතත් පොඩියට සහය වුනී
.....................................................ශාරා
මතු සම්බන්ධයි
ශාන්ත රාජපක්ෂ කිවිඳුන්ගේ නිර්මාණයකි.
No comments:
Post a Comment