කිත්තම්මහර 14
වෙනදා පුරුද්දට මෙදිනත් පාන්දර
දෙවනි ගමන යයි ඇය දොර මෑත්කර
නොදැනෙන පරිදි තබමින් පියවරින් වර
පසු පස ඇදෙයි නිදි මෙන් සිටි පෙරියදොර
කොටුවිය අතට අවසානයි රඟමඩල
ඇරඹිය ගැටුම ප්‍රබලව පියපුතු දෙපළ
අප්පා අතේ රැඳි ගිනිඅවියේ අගුල
ඇදුනා සිදුරු කර පුතුගේ හිස් කබල
තව වෙඩි හඬක් ඇසුනා සුළු මොහොතකදී
පෙරියදොරේ බිම වැටුණා මරහඬදී
සුරංගනී පැන ගත්තත් විලාප දී
සිහිසුන්වී ඇද වැටුණා දොර ළඟදී
........................................ශාරා
පලඟැටියා ඉවරයි ගිනිසිල හමුවේ
කඳුගැට නැග ගියාම පල්ලම් හමුවේ
අපරාධය කළාම දඬුවම හිමි වේ
ඉවසනු තව මෙය අවසානයම නොවේ
ශාන්ත රාජපක්ෂ කිවිඳුන්ගේ නිර්මාණයකි.
No comments:
Post a Comment