වදා තම පුතුව ඇලකට විසිකර දැමූ අම්මාට රෑ සිහිනයෙන් පුතා ඇවිත් කී කතාව.
--- වැලට බර වූ වැලේ ගෙඩියක් ---
ඇලේ මිලනව ගියේ කොහොමද නොකීවත් දන්නවා ......... ඒක
කුලේ නම්බුව වගේ තව තව ප්‍රශ්න එකපිට ආව ............... නේක
පිලේ පැදුරක් එලාගෙන වත් ඉන්න බැරි වුණි එකම ......... ගේක
වැලේ ගෙඩියක් වැලට බර වූ අහඹු සිදුවීමක්ද ...................මේක
නුබේ තරුවක් කරනවාමයි අනෙක් අම්මල වගේ ................ මාද
ඉබේ වත් මගෙ පුතා කියවී එහෙම පැතුමක් ............... ගෙනාවාද
ගැබේ දැඩිවන මටම කියලා මැහුවෙ කවදද සිනිඳු .............. සේද
නුඹේ ලෝකෙට නොකිය ආවට වෛරයක් ඇති වුනා ....... නේද
මගේ පුතුහට තබන්නට හොඳ නාමයක් පත්තරෙන් ............තෝර
අගේ කර කර සොයල මොකටද සැලසුමේ ලෙස උරුම ........පාර
ගඟේ මුහුදේ නොදා අල්ලපු ගෙදර කිරි නැති නැන්ද ............ භාර
ඇගේ දරුවා නොදුන්නේ ඇයි ගම්මු අසනව හාර................... හාර
දැනේ රසයක් නුඹත් සමඟින් සෑමදා ඉන්නටයි .................... ආස
අනේ කෝ ඔහු කිව්ව ඇහුනා නිල් නොවේ නම් ගේමු .........රෝස
දිනේ ගැන ගැන හිටියෙ විසිකර දමන්නයි සති ගනන් ........... මාස
තනේ කිරි බිඳු වියලුනාදෝ බාලගිරිගේ වැදී ....................... දෝස
හිතේ තිබුනත් අම්මෙ නොකියා හුස්ම ගිය ඒ ................. වේදනාව
නෙතේ කඳුලක් ගිලිහුනේ නෑ දන්න හින්දා ................... කාරණාව
නැතේ කහටක් මෙහෙම කෙරුවට අනාගතයේ පා ..............සිනාව
පුතේ කියලා කියා ගන්නට නුඹට වේවා ......................... වාසනාව
ශෂික මධුරංග කරුණාරත්න කිවිඳුන්ගේ නිර්මාණයකි. ඔහුගේ අවසරය මත උපුටා පලකරමි. මෙයින් උපුටාගන්නේ නම් නිර්මාණකරුගේ අයිතිය රැකෙන සේ කටයුතු කරන්න..
No comments:
Post a Comment