-- දැනේ වෙනසක් --
පවසගන්නට බැරිව යහනට වෙලා හිටියා පැය ............. දෙකක්
ඉවස ඉන්නට තවත් නොහැකියි පුරුදු ලෙස ආවා ...........සිතක්
දවස තුල කුස ගින්න එන හැටි දැනෙනවලු මව්නට .........හුඟක්
දිවස අද කෝ තවම දන්නෑ බලෙන් අරගෙන බොන ....... බවක්
හිතේ ඇවිලෙන ගින්න දන්නව තනිව නම් විඳිනට ............. බැරී
ගතේ වාරුව එදා ගත්තේ අනාගත බලමින් ........................ සිරී
නැතේ මෑතක රහට බීවේ ගලා යනවද එරි ......................... එරී
පුතේ කියලා තුරුලු කරගෙන නින්දෙවත් දෙනවද ...............කිරී
ලියා මොනවා කරනවද ඔය විටෙක හිනැහී නැටි ................නැටී
පියාගේ තැන හිතෙනවද වෙන කාට හරි දුන්නොත් ..............වටී
ඔයා එළිවෙන තුරා හිටියත් කමක් නෑ මෙහි වැටි .................වැටී
කියා දෙනවද අම්මෙ මාහට ඇඳුම් ඇඳ ගලවන ....................හැටී
නැහැම කියලා දාල යන්නේ පියා ගිය බව දැන ............... දැනත්
බැහැම නොකියා හදපු පින ඇති නුඹට මා දැන් බර ...........උනත්
ඔහොම පීරා මුහුණු පොත් පිටු පුරා නම හෙව්වා ................වුවත්
කොහොම වත් මගෙ ඉදිරියේ තහනම් කියන්නට ඒ ......... නමත්
දැනේ වෙනසක් ඉවෙන් වාගේ ලංවුනේ තව ................... කාටද
ගෙනේ සැකයක් ළගට ඇවිදින් ඔහුත් යන්නට ..................යාවිද
පැනේ මේකයි ළඟම නෑයෙක් මගේ දිවියට ...................... ඒවිද
අනේ සැලකිලි මල්ලි ආවාම එකම හැන්දෙන් ................. දේවිද
-- ශෂික මධුරංග කරුණාරත්න --
No comments:
Post a Comment