දිවි නසා ගත් තම දරුවා දුටු දෙමව්පියන් කියන කතාවකි.
--- නිසල පුතු දැක ---
ලැබුණු ආරංචියට ආවේ හනික පුතු ගැන ..................... බලන්න
පෙනුණු දේ අදහන්න බැරි වී කඳුලු ගත්තා ................... ගලන්න
බිඳුණු හදවත හින්ද ඔය ලෙස හැකි වුණා නම් ............... කරන්න
හැදුනු හැටි උඹ දන්න අපහට හැකිද මේ දුක .................. දරන්න
පිදුව සෙනෙහස නොතිබුනා නම් මහා මෙරකට ......... දැනෙන්න
වැදුව දවසෙම අපට තිබුනා කානු පල්ලක ..................... දමන්න
සිතුව නම් කරගන්න කලියෙන් හැකිද කියලා ............... දිනන්න
පුතුව පුතුටම අහිමි වෙන්නෑ එයාවත් හැක ....................ලබන්න
මැණිකෙ වටිනාකමත් අඩු වෙයි තිබුනොතින් පොඩි ........ පලුද්ද
පුතුනෙ ඒ ගැන බියක් දැනිලයි වුනේ උඹලට ................. විරුද්ද
අපගෙ තිබුනා නොමග නොයවා හොයා බලනා .............. පුරුද්ද
උඹගෙ කල ආවාම කරගන් කිව්ව එකදෝ .................... වැරැද්ද
ඔහොම ප්‍රශ්නනද අපට ආවේ දන්නෙ නෑ ඒ ................. කෙරිල්ල
නැහැම තිබුනේ බේර ගන්නට සින්න විය තිබු .............. වලල්ල
බොහොම කුස ගිනි වුනත් තිබුනේ එකම පැතුමයි ........... හැදිල්ල
කොහොම හරි උඹ නලව ගන්නට අරන් ආවා .......... තොටිල්ල
කුසට ආ දින ඉඳන් මේ තෙක් වින්ද දුක් වෙයි .................අසංඛ
පුතුට සැඟවූ ඒව නොදැනයි ඊයෙ කෙරුවේ .................. විතර්ක
හිතට වාවා ගන්න බෑ දුටු නිසල දේහය ..........................තිවංක
උඹට අද ලංවෙච්ච කෙනෙකුට වුනේ කොහොමද .......... අවංක
ශෂික මධුරංග කරුණාරත්න කිවිඳුන්ගේ නිර්මාණයකි.
No comments:
Post a Comment