ගඳ සුවඳ "(නවවන වෙළුම )
ගත සිත ප්‍රබෝධයි ඉඳුරන් ගත්ත නිවා
යළි හමුවීම ගැන සිතුවා උදේ හවා
අවයව පවා ඇස ගැටෙනා විලස හොවා
නිල්මිණි වෙනස් කෙරුවා ඇගෙ ඇඳුම පවා
දවසෙම පසුවේය ඈ දැන් සතුටු සිතින්
ප්‍රීතිය කඩා හැළුණා නෙතු සඟල මතින්
සේකර පවා පැතුවේ මේ වෙනස ඉතින්
කවදා හෝ දකින්නයි තම පියඹ වෙතින්
කීවේ එදා සිට වත්තේ කිළිටි කමයි
ඈ සතුටින් සිටින්නේ මේ නිවස නිසයි
සේකර වෙලාවෙක තනිවම මෙහෙම සිතයි
රැකියාවත් වෙනස් වූවොත් තවත් හොඳයි
සේකර නැගී යද්දී කුණු ලොරිය දිගේ
දෙදෙනා මොහොතකට පීනයි ප්‍රේම ගඟේ
කවදා ලැබේවිද දිනයක් එදා වගේ
සිපගැන්මකට බෑ නිවුමට ගින්න ඇඟේ
ඉඳහිට තදින් තොල් පෙති සිපගත් දාක
හදවත තුළ නැගෙයි සිතුවිලි නෙක නේක
ඉවසා ඉන්න බැහැ තව දුරටත් මේක
ගිවිසා ගතිය අවසන ඉමු එක ගේක
දකිනා මොහොත නොසිතා ආලය කෙරුව
ලැබෙනා තත්පරේ උපරිම රස ඉරුව
කැස්සයි ආදරෙයි සගවන්නට බැරුව
අමතක වීය මුන් හට මෙහි මුරකරුව
වැටුපද රැගෙන නව රැකියාවකුත් සොයා
කුණු ලොරියෙන්ද අස්වී ලියුමකුත් ලියා
නිල්මිණි සනසවන්නට මේ පුවත කියා
සේකර එදා වේලාසන ගෙදර ගියා
.............................................ශාරා
මතු සම්බන්ධයි
ශාන්ත රාජපක්ෂ කිවිඳුන්ගේ නිර්මාණයකි.
No comments:
Post a Comment