ගඳ සුවඳ " (සවන වෙළුම )
අම්මා සමග පොදිබැඳ නිම්නැති සතුට
සේකර පිටත් විය දරුවා බලන්නට
තම රූපයට ඇගෙ වර්ණය එකතුකොට
නිල්මිණි උපත දී තිබුණා පුතෙකු හට
පුදුමාදරෙන් බලමින් පියඹියගෙ නෙත
කමිසේ අතින් පිසදමමින් කඳුළ තෙත
සේකර අතට ගත්තේ තම බිළිඳු පුත
පිරෙනා හදේ දරු සෙනෙහෙනි අපරිමිත
කිරිකැටි පුතා වැඩෙනා තුරු හොඳින් ටිකක්
උන් හිටියාවෙ අපි ළඟ තව මාස තුනක්
නැන්දම්මා කීය ඉල්ලීමක්ය හුදෙක්
ඔහු හිස වැනී දී මව් සෙනෙහසට ඉඩක්
නිල්මිණි විවර කෙරුවා මුව ඔරොප්පුවේ
මවගේ වදන්මය ඇගෙ සිත කෙනිත්තුවේ
තුන් මාසෙකින් නොව මගෙ මතු මතුත් බවේ
මම නම් ඉන්නෙ නැහැ යළි ඔය මුඩුක්කුවේ
මුළු රෑ පුරා විදිනා මදුරුවො රෑන
කුණු ඇල ගලායන පිටුපස ගඳ ගාන
දහවල දවසෙ උතුරා දහඩිය දාන
තැනකදි දකිවිද දරුවෙකු සුබ සීන
මේකට විසඳුමයි මම දැන් සෙවිය යුතු
සේකර මුවින් නොදොඩා මේ ලෙසින් සිතු
මා මය දිවියෙ ඉදිරිය ගොඩනැගිය යුතු
ඔහු සිඹ පිටත් විය අදරින් සිඟිති පුතු
දෙමසක් ගතවෙන්ට ඉක්බිති මතු මත්තේ
මහල් නිවෙස් පෙළකින් මොරටුව පැත්තේ
සිතමිනි එයින් ගෙදරක් කුලියට ගත්තේ
ඉකමනටම ඔවුන් මෙහි ගෙන ආ යුත්තේ
සිදුවිය පදිංචිය සුබ නැකතකට උදේ
සියයට පණහකින් ඉවරයි ඉරුවරදේ
තව පැනයකිය ඇතතේ ඇගෙ දැවෙන හදේ
සැමියගෙ රැකියාවෙ පවතින "කුප්ප" වදේ
..............................................................ශාරා
සිදුවන විටදි හැමදෙය පිළිවෙළට හොඳින්
සැමදෙන සුබපතති සොම්නස පිරුණු හදින්
ඉදිරිය ගෙවෙන හැටි බාධක කඩුළු මැදින්
සත්වන වෙළුම ලියනා තුරු බලා හිඳින්
ශාන්ත රාජපක්ෂ කිවිඳුන්ගේ නිර්මාණයකි.
No comments:
Post a Comment